Avropa İttifaqına namizəd ölkə statusu münasibətilə Tbilisidə izdihamlı mitinq olub

Tbilisidə Gürcüstanın Avropa İttifaqına (Aİ) üzvlüklə bağlı namizəd statusunu alması münasibətilə izdihamlı mitinq və konsert proqramı təşkil olunub.

AZƏRTAC xəbər verir ki, Gürcüstanın Baş naziri İrakli Qaribaşvilinin təşəbbüsü ilə Tbilisinin Azadlıq meydanında keçirilən aksiyada 100 minlərlə insan iştirak edib.

Tədbirdə Gürcüstanın və Avropa İttifaqının himnləri səsləndirilib.

Mərasimdə Gürcüstan Baş naziri İrakli Qaribaşvili, Prezident Salome Zurabişvili, parlamentin sədri Şalva Papuaşvili, dövlətvə hökumət üzvləri, parlamentin deputatları, siyasi partiyaların rəhbərləri və üzvləri, ictimaiyyət nümayəndələri, Tbilisidəki diplomatik korpusun nümayəndələri iştirak ediblər.

Baş nazir İrakli Qaribaşvili Gürcüstanın Avropa İttifaqına üzvlüklə bağlı namizəd statusunu almasını ölkəsinin Avrointeqrasiya yolunda qələbəsi adlandırıb və bu münasibətlə xalqı təbrik edib.

Avropa İttifaqının Gürcüstandakı səfiri Pavel Herçinski də gürcü xalqını təbrik edib, ölkənin namizəd statusu almasını tarixi hadisə adlandırıb.

Tədbir konsert proqramı ilə davam edib.

Qeyd edək ki, dekabrın 14-də Aİ Şurası Gürcüstana namizəd ölkə statusu verib.

Əvvəlki məqalə

“Qərb dəstək versə belə, Ukrayna qalib gələ bilməyəcək”

Sonrakı məqalə

Azərbaycanda gələn il üçün iş vaxtı norması və istehsalat