Azərbaycanda işsizlərin sayı açıqlandı

16 Sentyabr 2019 - 14:09

Bu ilin sentyabrın 1-nə olan statistikaya görə, məşğulluq xidməti orqanlarında qeydiyyata alınan işsiz şəxslərin sayı 70900 nəfər olub, onların 35,3 faizini qadınlar təşkil edib.

Azpost.info bildirir ki, bu barədə Dövlət Statistika Komitəsindən virtualaz.org-a məlumat verilib. İşsizlikdən sığorta ödənişinin orta məbləği 233,5 manat olub.

Eyni zamanda, bu ilin sentyabrın 1-nə olan göstəricilərə əsasən, Azərbaycanda iqtisadi fəal əhalinin sayı 5 191 200 nəfər olub ki, onlardan 4 939 100 nəfərini məşğul əhali təşkil edib.