Bu il Azərbaycandan 1 730 nəfər ABŞ-də yaşamaq icazəsi verən “Green Card” lotereyasının qalibi olub.
Oxu.Az xəbər verir ki, nəticələr lotereyanın rəsmi saytında dərc edilib.
Özbəkistan 2025-ci il “Green Card” lotereyasını qazananların sayına görə lider ölkə olub. Mərkəzi Asiya ölkəsindən 5 564 nəfərin bəxti gətirib. İkinci yerdə 5 526 qaliblə Əlcəzair, üçüncü yerdə isə 5 519 nəfərlə Rusiya yer alıb.
Ümumi 55 000 qalib arasında hər onuncu şəxs Özbəkistan vətəndaşıdır.
Digər yaxın ölkələrə gəlincə: İran – 5 267 qalib, Qırğızıstan – 3 095, Tacikistan – 2 982, Ermənistan – 2 971, Qazaxıstan – 2 004, Gürcüstan isə 1 342 qaliblə builki lotereyanı başa vurub.
Ən aşağı nəticələr isə Venesuela, Bruney, Vatikan, Marşall və Norfolk adalarında qeydə alınıb. Burada lotereyanın qalibi olmayıb.
