Azərbaycanla NATO arasında gələcək planlar müzakirə edilib

Azərbaycan Müdafiə Nazirliyinin Beynəlxalq Əməkdaşlıq Şöbəsinin nümayəndələri JFCBS, SHAPE və NATO-nun Beynəlxalq Hərbi Qərargahından olan həmkarları ilə ötən illərin hərbi əməkdaşlığının praktiki aspektlərini qiymətləndirmək və gələcək üçün planlar hazırlamaq üçün görüşüblər.

Bu barədə JFCBS-nin “X” hesabında bildirilib.

Vurğulanıb ki, tərəfdaşlıqlar NATO-nun işi üçün vacibdir və iki tərəfdaş arasında dialoq və hərbi əməkdaşlıq davam edəcək, biz birlikdə güclüyük.

Qeyd edək ki, Müttəfiqlərin Birləşmiş Qüvvələr Komandanlığı (JFC) Brunssum JFC Neapol (İtaliya) və JFC Norfolk (ABŞ) ilə birlikdə əməliyyatlar səviyyəsində NATO-nun üç qərargahından biridir. JFC Brunssum, NATO üzvləri və tərəfdaşlarının azadlığını və təhlükəsizliyini, milli suverenliyini və sülhü qorumaq üçün bütün sahələr üzrə bütün təhdidlərin qarşısını almaq və onlara qarşı müdafiə etmək üçün ona həvalə edilmiş missiya və tapşırıqlar çərçivəsində hərbi əməliyyatları planlaşdırır, həyata keçirir və dəstəkləyir(apa).

Əvvəlki məqalə

İsrail XİN İspaniya konsulluğuna fələstinlilərə xidmət göstərməyi qadağan etdi

Sonrakı məqalə

Leysan olacaq, dolu düşəcək, çaylardan sel keçəcək