“Azərbaycanın ərazi bütövlüyünün qorunmasına əlimizdən gələn dəstəyi verəcəyik”- Çavuşoğlu

“Ermənistan Tovuz istiqamətində xaincəsinə hücum edib. Dörd azərbaycanlı qardaşımız şəhid olub. Əlbəttə ki, Azərbaycan Ordusu lazımi cavabı verib və düşməni geri oturdub”.

APA-nın xəbərinə görə, bunu Türkiyənin Xarici İşlər naziri Mövlud Çavuşoğlu “TRT Haber”ə müsahibəsində deyib.

O bildirib ki, Ermənistan yeni toqquşma meydanı yaratmaqla, diqqəti işğal etdiyi ərazilərdən başqa istiqamətə yönəltmək istəyir.

“Ermənistan bu günə kimi münaqişənin siyasi həll yoluna yaxın durmayıb. Beynəlxalq ictimaiyyətin səmimi və qeyri-səmimi cəhdləri olub. Lakin Ermənistan indiyədək heç bir həll yoluna yanaşmayıb. Ermənistanın etdiyi qəbuledilməzdir. Ermənistan ağlını başına yığsın, Azərbaycan tək deyil. Biz Türkiyə Cümhuriyyəti və türk milləti olaraq bütün imkanlarımızla Azərbaycanın yanındayıq. Azərbaycanın ərazi bütövlüyünün qorunmasına əlimizdən gələn dəstəyi verəcəyik. Biz demişik ki, Azərbaycan Dağlıq Qarabağ münaqişəsi ilə bağlı hansı həll yolunu seçəcəksə, biz Azərbaycanın yanında olacağıq. Bu həssas bir cümlədir. Bunu bilərəkdən dedim”, – deyə Türkiyə XİN başçısı vurğulayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“COVID-19-un dəqiq diaqnostikası üçün 3 növ analiz vermək daha yaxşıdır”

Sonrakı məqalə

Azərbaycan və Rusiya XİN başçıları arasında telefon danışığı olub