Azərbaycanın Avropa Şurasındakı sabiq səfiri Arif Məmmədov axtarışa verilib.
Azpost.info bildirir ki, bu barədə elan Bakı Şəhər Baş Polis İdarəsinin (BŞBPİ) saytında yerləşdirilib.
Axtarış dosyesində 1964-cü il təvəllüdlü Məmmədov Arif Zahid oğlu barəsində Cinayət Məcəlləsinin 179.3.2-ci (mənimsəmə və ya israf etmə – külli miqdarda törədildikdə) maddəsi ilə axtarış elan edildiyi qeyd olunub.
A.Məmmədov 2007-ci ilin yanvarından 2012-ci ilin sentyabrınadək Strasburqda Azərbaycanın Avropa Şurası yanında daimi nümayəndəsi olub. 2013-cü ilin iyun ayından etibarən Brüsseldə yerləşən İslam Əməkdaşlıq Təşkilatının Avropa Birliyi yanında nümayəndəliyinin rəhbəri kimi çalışıb. Vəzifədən kənarlaşdırıldıqdan sonra Belçika Krallığından siyasi sığınacaq alıb.
Azpost.info