Yaponiyada istefalar dalğası gözlənilir. Baş nazir Fumio Kişida bu həftə artan siyasi ianə qalmaqalına görə 15 nazir və nazir müavinlərini istefaya göndərəcək.
Azpost.info bildirir ki, bu barədə Kyodo agentliyi məlumat yayıb.
Münaqişə Yaponiyanın Liberal Demokratik Partiyasında (LDP) (Kisida üzvüdür) mövcud olan “otkat” (ayrılan puldan pay qoparma) sistemi məlum olduqdan sonra yaranıb. İddialara görə, fraksiyalar pullu axşam ziyafətlər və qəbullara bilet satışı vasitəsilə biznes dairələrindən alınan ianələr üçün standartlar müəyyən ediblər. Məbləğ normadan artıq olarsa, “əlavə” pul LDP-nin nüfuzlu nümayəndələrinin hesabına köçürülürdü.
Qalmaqala görə hazırkı Yaponiya hökumətinə dəstək 30%-dən aşağı düşüb. Etimadı bərpa etmək üçün Fumio Kisida LDP-dən bir neçə nüfuzlu siyasətçini işdən çıxarmağa hazırdır.
Söhbət Nazirlər Kabinetinin baş katibi Hirokazu Matsuno, iqtisadiyyat, ticarət və sənaye naziri Yasutoşi Nişimura, kənd təsərrüfatı şöbəsinin müdiri İçiro Miyaşita, inzibati işlər naziri Junji Suzuki və digər rəsmi şəxslərdən gedir.
Üstəlik, Fumio Kisida əvvəllər bu qalmaqala görə özünün “Kotikay” fraksiyasını tərk etmək məcburiyyətində qalmışdı. O, qərarını partiyada baş verənlərə qərəzsiz və obyektiv qiymət vermək niyyətində olması ilə əsaslandırıb.
Azpost.info
