Bayden Azərbaycanı Avropanın enerji təhlükəsizliyinin sütunu adlandırıb

Bakı Enerji Həftəsinə ev sahibliyi Azərbaycanın enerji landşaftında oynadığı rolu vurğulayır.

Bu, ABŞ Prezidenti Co Baydenin Bakı Enerji Həftəsi çərçivəsində 29-cu Beynəlxalq Xəzər Neft və Qaz Sərgisi (“Caspian Oil&Gas”) və 12-ci Xəzər Beynəlxalq Energetika və Yaşıl Enerji Sərgisinin “Caspian Power” açılış mərasimində oxunan məktubunda əksini tapıb.

Co Bayden qeyd edib ki, Bakı noyabrda COP29-a ev sahibliyinə hazırlaşır: “Bu, Azərbaycan üçün unikal imkan yaradır. Azərbaycan Avropada qlobal enerji təhlükəsizliyində sütun rollarından birini oynayır. Azərbaycanın təmiz enerjiyə artan diqqətinə görə minnətdarlığımı bildirmək istəyirəm. Xəzərin potensialı Azərbaycanın gələcəkdə təmiz enerji sahəsində istehsalını ənənəvi enerji istehsalını üstələməyə gətirib çıxara bilər”.

Azərbaycanla Ermənistan arasında münasibətlərin normallaşması istiqamətində atılan addımları yüksək dəyərləndirən ABŞ Prezidenti bildirib ki, sülh və əmin-amanlığa böyük önəm verirlər.

Əvvəlki məqalə

İctimai birlik Sumqayıt şəhərində yeni layihənin icrasına başlayıb

Sonrakı məqalə

Azərbaycan, Türkiyə və Gürcüstan xüsusi təyinatlılarının birgə təlimi başlanıb –