Böyük və güclü əzələyə necə sahib olmalı?

Yüksək zülallı, aşağı karbohidratlı pəhrizlər idmanla məşğul olanlar üçün ideal hesab edilir. Bununla belə, 52 yaşlı bodibildinq veteranı Mark Teylor bu yaxınlarda verdiyi müsahibədə karbohidratlarla qidalanmanın uğurunun “açarı” olduğunu deyib.

Azpost.info xəbər verir ki, illər boyu Mark Teylor yüksək proteinli, aşağı karbohidratlı qidalanmaya üstünlür verib, lakin özünü hər zaman yorğun hiss edib. Daha çox karbohidrat və kalori yeməyə keçid etdikdən sonra məqsədinə çatdıb

Bəs, elm bu barədə nə deyir? Təbii ki, formaya girmək və əzələ kütləsini artırmaq üçün idman etmək lazımdır. Ümumiyyətlə, əzələ böyüməsi əzələ zülalının sintezi (yeni əzələ toxuması yarandıqda və ya bərpa edildikdə) ilə əzələ zülalının parçalanması (əzələ toxuması parçalandıqda) arasındakı tarazlıqdır. Düzgün qidalanma və strukturlaşdırılmış məşq bu prosesləri dəstəkləyir.

Tədqiqatlar göstərir ki, gündəlik protein istehlakı kifayət qədər kalori əldə etməklə yanaşı, ümumi əzələ qazanması üçün ən vacib ola bilər. Əksinə, lazım olduğundan daha az kalori istehlak etmək məşq performansınıza mənfi təsir göstərə bilər.

Həmçinin elmi cəhətdən sübut edilib ki, məşqdən sonra 20-40 q sürətlə ayrılan zülalların istehlakı qısa müddətdə əzələ zülal sintezini sürətləndirə bilər.

Bəs karbohidratlar haqqında nə demək olar? Bəzi tədqiqatlar göstərir ki, məşqdən sonra karbohidratlar və zülalların birləşməsi əzələ protein sintezinin artmasına səbəb ola bilər. Ancaq bəzi elmi məqalələr bunun tək zülal istehlakı qədər təsirli olmadığını göstərir. Bu, amin turşularının əzələlərin qurulması prosesində əsas rol oynaması və karbohidratların əzələ zülalının sintezini birbaşa stimullaşdıra bilməməsi ilə izah olunur.

Eyni zamanda, karbohidratlar əzələ zülalının parçalanma dərəcəsinə təsir göstərə bilər. Bu, karbohidratların orqanizmi zülalın parçalanmasını azaldan insulin hormonu istehsal etməyə məcbur etməsi ilə izah olunur.

Bəs, Teylorun uğurunu nə izah edir? Aşağı karbohidratlı pəhrizlər insanda daha az enerji ilə nəticələnir. Bu, zəifləmiş immun sisteminə, daha çox yorğunluğa və performansın azalmasına səbəb ola bilər. Aşağı karbohidratlı pəhrizlər kişilərdə testosteron səviyyəsini (əzələ inkişafı üçün vacibdir) azalda bilər.

Karbohidratın növü də vacibdir. Aşağı glisemik indeksli qidalar yemək sağlamlıq üçün fayda verir. Bu cür məhsullar sayəsində gün ərzində sabit enerji səviyyəsinə sahib olacaqsınız və təzyiqiniz azalacaq.

Tədqiqatlar həmçinin göstərir ki, ağır və ya uzun məşqlərdən sonra yüksək glisemik indeksi olan qidalar qlikogenin sürətli bərpasına kömək edir. Buna görə də, gün ərzində aşağı və yüksək glisemik indeksli qidaları birləşdirmək faydalı bir məşq və bərpa strategiyası ola bilər.

Azpost.info

 

Əvvəlki məqalə

Avropa Liqasının 1/4 finalının püşkü atıldı –

Sonrakı məqalə

Milli Məclis Prezident İlham Əliyev və Mehriban Əliyevanı təbrik edib