“Bu etimadı doğrultmaq üçün əlimdən gələni əsirgəməyəcəm”

- PA rəhbərindən ilk açıqlama
01 Noyabr 2019 - 16:05

“Bu gün Azərbaycan Respublikasının Prezidenti cənab İlham Əliyev məni Prezident Administrasiyasının rəhbəri vəzifəsinə təyin etmişdir. Bu təyinat mənim üçün çox böyük şərəf və məsuliyyətdir”.

APA-nın məlumatına görə, bunu Prezident İlham Əliyevin bu gün imzaladığı sərəncamla Prezident Administrasiyasının rəhbəri vəzifəsinə təyin edilən Samir Nuriyev “Facebook” sosial şəbəkəsindəki səhifəsində yazıb.

S.Nuriyev ona göstərilən bu yüksək etimada görə Prezidentə öz dərin minnətdarlığını bildirib: “Bu etimadı doğrultmaq üçün əlimdən gələni əsirgəməyəcəm”.