“Cənubi Qafqaza kənar oyunçuları cəlb etmək fəlakətlə nəticələnəcək” –RUSİYA XİN

“3+3” formatının (Azərbaycan, Ermənistan, Gürcüstan, Rusiya, Türkiyə, İran) qapıları əvvəlki kimi Gürcüstan üçün açıqdır.

Bunu Rusiya xarici işlər nazirinin müavini Mixail Qaluzin bildirib.

“Əgər onlar bu formatda iştirak etməyə hazır olduqlarını hiss etsələr, bütün digər beş ölkə əminəm ki, bunu alqışlayacaqlar “, – deyə rusiyalı nazir müavini vurğulayıb.

Qaluzin Rusiyanın bu formatda fəal işlədiyini söyləyib:

“Tarixi, indiki faktlar onu göstərir ki, bizim üçün regional problemləri region ölkələrindən daha yaxşı heç kim həll edə bilməz. Regional problemlərin həllinə qeyri-regional oyunçuları cəlb etmək cəhdləri ən yaxşı halda heç nə ilə bitər. Ən pis halda isə qlobal miqyasda ciddi fəlakətlə nəticələnər”, – deyə Lavrovun müavini yekunlaşdırıb. (APA)

Əvvəlki məqalə

Son 2 il ərzində 890 min ev təsərrüfatı genişzolaqlı internetlə təmin edilib

Sonrakı məqalə

Ukraynada 26 nəfərin xəsarət alıdğı terror aktının səbəbi məlum olub