Dünyada koronavirusa yoluxanların sayı 22 milyonu keçib

18 Avqust 2020 - 10:09

Dünyada COVID-19-a yoluxanların sayı 22 milyon nəfəri keçib.

APA-nın “worldometers”ə istinadən məlumatına görə, bununla koronavirusa yoluxanların sayı 22 052 763 nəfərə çatıb.

Bildirilib ki, xəstəlikdən ölənlərin sayı 777 477, sağalanların sayı isə 14 795 843 nəfərdir.

Qeyd edək ki, koronavirusa yoluxma sayına görə ABŞ, Braziliya və Hindistan ilk üçlükdə yer alıb.