Dünyada koronavirusa yoluxanların sayı son sutkada 434 mindən çox artıb –

ÜST
28 Dekabr 2020 - 09:54

Dünyada koronavirusa yoluxanların sayı son sutka ərzində 434 mindən çox artıb.

TASS-ın verdiyi məlumata görə, bu barədə Ümumdünya Səhiyyə Təşkilatının gündəlik hesabatında deyilir.

Məlumata əsasən, ötən sutka ərzində 434 min 779 nəfər yeni koronavirusa yoluxub, 7 min 393 nəfər isə dünyasını dəyişib. Yoluxanların ümumi sayı 79 232 555, ölənlərin isə 1 754 493 nəfərə çatıb.

Təsdiqlənmiş yoluxma hadisələrinin əksəriyyəti ABŞ-da qeydə alınıb – 18 648 989 nəfər. Siyahıda daha sonra Hindistan (10 187 850), Braziliya (7 448 560), Rusiya (3 050 248), Fransa (2 507 532), Böyük Britaniya (2 256 009), İtaliya (2 038 759), İspaniya (1 854 951), Almaniya (1 640 858), Kolumbiya (1 574 707), Argentina (1 574 554), və Meksika (1 372 243) gəlir.

Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.