Vəkillər Kollegiyasının Rəyasət Heyətinin bu gün keçirilən iclasında tanınmış vəkil Elçin Sadıqovun kollegiyadan xaric edilməsi barədə İntizam Komissiyasının 06.07.2023-cü il tarixli qərar ləğv edilib.
Azpost.info bildirir ki, bu barədə Gununsesi.info–nun əldə etdiyi məlumatda bildirilir.
E.Sadıqov öz paylaşımında məlumatı təsdiq edib. “Vəkillik fəaliyyətim bərpa olundu. Hər kəsə dərin təşəkkürümü və ehtiramımı bildirirəm”.
Məlumata görə, Elçin Sadıqovla bağlı iş rəy verilməsi üçün yenidən İntizam İcraatına göndərilib .
Qeyd edək ki, Elçin Sadıqovun kollegiyadan çıxarılması barədə qərar Azərbaycana qarşı beynəlxalq tənqidlərə səbəb olub.
