Bu ilin yanvar-sentyabr aylarında Ermənistana 9810 Türkiyə vətəndaşı səfər edib.
Azpost.info bildirir ki, Ermənistan Respublikası Milli Statistika Komitəsinin dərc etdiyi məlumatlara görə, həmin dövrdə onlardan yalnız 9620 nəfəri Ermənistanı tərk edib. Bu barədə Faktinfo xəbər verir.
Müşahidə olunan dövr ərzində Ermənistana 37 642 Hindistan vətəndaşı səfər edib.
Rusiya vətəndaşları bu ilin 9 ayı ərzində Ermənistana səfər edənlərin sayına görə birinci yeri tutub – 1 milyon 89 mindən çox. Onlardan 1 milyondan çoxu geri qayıdıb. Eyni dövrdə 42 483 Ukrayna vətəndaşı da Ermənistana səfər edib.
Ermənistana gələn xarici vətəndaşlar arasında Gürcüstan ikinci yerdədir. Bu ilin ilk üç rübündə Ermənistana 296 941 Gürcüstan vətəndaşı gəlib, onlardan 292 237 nəfəri Ermənistan Respublikasını tərk edib.
Üçüncü yerdə İran vətəndaşlarıdır: bu il 159 118 İran vətəndaşı Ermənistana səfər edib, onlardan 158 828 nəfəri həmin dövrdə Ermənistanı tərk edib.
Bu ilin 9 ayı ərzində ABŞ-dan Ermənistana 59 963 vətəndaş gəlib, onlardan 57 834 nəfəri Ermənistanı tərk edib.
