“İşğal altda olmuş rayonlarda bütün binalar, infrastruktur düşmən tərəfindən dağıdılıb. Buna görə beynəlxalq məhkəmədə cavab verəcəklər”.
Azpost.info bildirir ki, bu sözləri Prezident İlham Əliyev Cəbrayıl şəhərinə səfəri zamanı deyib.
Dövlət Başçısının sözlərinə görə, bu ərazilərə beynəlxalq qurumlar, ekspertlər gələcək: “30 il ərzində bizə vurulmuş bütün ziyan hesablanacaq və onlara qarşı təzminat davası açılacaq. Onlar hesab edirdilər ki, bu dağıntılardan sonra heç vaxt azərbaycanlılar bura qayıtmayacaq. O məqsədlə buranı dağıdıblar. Amma səhv ediblər. Biz qayıtmışıq. Öz doğma torpağımızdayıq. Bütün buraları bərpa edəcəyik”-deyə prezident bildirib.
