Azərbaycan Müdafiə Nazirliyinin üç zabiti ABŞ-ın Oklahoma Milli Qvardiyasında kiber müdafiə əməliyyatları sahəsində təcrübə mübadiləsində olub.
Azpost.info bildirir ki, bu barədə ABŞ-ın Azərbaycandakı səfirliyi məlumat yayıb.
Məlumatda deyilir ki, Oklahoma Milli Qvardiyasının Dövlət Tərəfdaşlıq Proqramı çərçivəsində ötən həftə Azərbaycan Müdafiə Nazirliyinin üç zabiti kiber müdafiə əməliyyatları sahəsində hərbi bilik mübadiləsi aparmaq üçün Oklahoma şəhərində olub.
Azərbaycanlı hərbçilər ABŞ-də strategiya və təcrübələri müzakirə etmək üçün mülkü şəxslər və hərbçi həmkarları ilə görüşlər keçirib.
