Mütəxəssislərin fikrincə, insanlar tənhalıq və özünə şübhə hisslərinə, eləcə də həyatdan narazı olduqlarına görə qeybət etməyi sevirlər.
Azpost.info xəbər verir ki, qeybət tənhalıq, özünə inamsızlıq, həyatdan narazılıq hisslərinin öhdəsindən gəlməyə kömək edir.
Birinin “arxasından danışmaq” həm də başqalarının hesabına özünü təsdiq etmək üsuludur.
Qeybətin başqa bir funksiyası da təhlükəsizlik ehtiyacını ödəməkdir. Yəni, qeybətin köməyi ilə bizi kimlərin əhatə etdiyini, bu şəxslərin bizə zərər verib-verməyəcəyini öyrənə bilərik.
Psixoloqların fikrincə, qeybət sosial narahatlığın öhdəsindən gəlməyin bir yoludur: “Naməlum qorxudur və bir çoxları digər insanların köməyi ilə yad insanlar haqqında daha çox məlumat əldə etməyə çalışırlar. Bundan başqa, təcrübənizi başqa bir insanla bölüşmək bacarığı, müsbət və ya mənfi emosiyalardan asılı olmayaraq, daxili stress səviyyəsini azaldır”.
Psixoloq Robin Dunbar təkamül mexanizmi olaraq dedi-qoduların insanlara müxtəlif cəmiyyətlərdə dəyərli məlumat yaymalarına kömək etdiyini deyir: “Bununla xainləri, oğruları və cəmiyyəti təhdid edən digər insanları müəyyən edə bilirik. Əlbəttə ki, bu cür şayiələrin etibarlılığı şübhə doğurur, lakin yenə də dedi-qodular sosial funksional qrupları dəstəkləməyə kömək edib”.
İnsanlar əylənmək üçün də dedi-qodu edə bilərlər. Bir qayda olaraq, müzakirə olunan hekayələr gülmək üçün səbəb ola bilər. Həmçinin, başqa bir insanın sizinlə kimisə və ya nəyisə müzakirə etməyə hazır olması etibarın və ya müəyyən dərəcədə yaxınlığın göstəricisi ola bilər.
Lakin qeybət edərkən sizə güvənən və şəxsi məlumatlarını paylaşan şəxsə zərər verə bilərsiniz. Bu, öz növbəsində, şəxslərarası münasibətlərə və bəlkə də nüfuzunuza xələl gətirə bilər.
Mütəxəssislər şəxsi mənfəət üçün dedi-qodu etməməyi tövsiyə edirlər: “Bunun heç kimə faydası yoxdur və əksinə, nüfuzunuza xələl gətirə bilər. Hər hansı bir məlumatı paylaşmazdan əvvəl nəticələrini iki dəfə düşünün”.
Azpost.info
