Krım körpüsündə partlayışa səbəb olmuş yük avtomoblinin sahibi Samir Yusubov adlı şəxs olduğu müəyyən edilib.
Azpost.info bildirir ki, Krasnodar vilayətində 25 yaşlı Samir Yusubovun evində axtarış aparılıb.
Samir Yusubov özü video müraciət yayaraq bildirib ki, yük maşını onun adına qeydiyyatdadır. O deyib ki, Krım körpüsündəki partlayışla heç bir əlaqəsi yoxdur, özü xarici ölkədədir.
S.Yusubov deyib ki, partladılmış yük maşını atasının əmisi oğlu Mahir Yusubov idarə edib. “O bütün həyatı boyu yük daşımaları ilə məşğul olub. Sifarişləri isə saytlardan götürür”-deyə S.Yusifov bildirib.
O evində axtarış aparıldığını bildirib.
Qohumları da təsdiq ediblər ki, yük avtomobilini Mahir Yusubov idarə edib.
Mash teleqarm kanalı Mahir Yusubovun fotosunu yayıb və bildirib ki, onun 52 yaşı var. Mahir Yusubov bütün sentyabr ayını Krasnodar vilayəti üzrə maşın sürüb. Onun sonuncu dayanacağı Temruk rayonunda Strelka qəsəbəsi olub.
FOTO: Mahir Yusubov
FOTO: Krım körpüsündə partlamış yük maşını.
