“Maksimumu tələb etmək xətti tutmaqla məğlubiyyətimizi möhürlədik”- PAŞİNYAN

Ermənistan tərəfi ilkin olaraq Qarabağ üzrə danışıqlar prosesini ən yüksək səviyyədə aparıb.

Azpost.info xəbər verir ki, bunu Ermənistan Baş naziri Nikol Paşinyan parlamentdə çıxışı zamanı deyib.

Paşinyan danışıqlarda maksimumu tələb etmək fikrini səhv adlandırıb.

“Ən yüksək tələblə danışıqlara başlayanda, bundan sonra edə biləcəyiniz yeganə şey xətti aşağı salmaqdır, çünki artıq onu qaldırmaq imkanınız yoxdur. Bu, Qarabağla bağlı bütün danışıqlar prosesi boyu olub. Biz əvvəldən danışıqlar prosesində ən yüksək xətti qoyduq və məğlubiyyətimizi möhürlədiyimizi dərk etmədik. Çünki sizin tələb xəttiniz ən yüksək nöqtədədirsə, onu aşağı salmaqdan başqa heç nə edə bilməzsiniz. Ən yüksək nöqtəyə çatarsa, onu qaldırmaq artıq mümkün deyil”, – Paşinyan bildirib.

Azpost.info

Əvvəlki məqalə

“Şimşək çaxanda telefonla lentə almaq olmaz”

Sonrakı məqalə

DİN “Son zəng”lə bağlı müraciət edib