Mariya Zaxarova:

"Həmsədrlər Bratislavada Qarabağ məsələsi üzrə məsləhətləşmələr aparacaq"
28 Noyabr 2019 - 16:23

“Dağlıq Qarabağ münaqişəsinin həlli məsələsi son illərdə mütəmadi olaraq ATƏT meydanında müzakirə olunur”.

“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova keçirdiyi brifinqdə deyib.

“Bratislavada keçiriləcək ATƏT Xarici İşlər Nazirləri Şurası çərçivəsində Minsk qrupunun üç həmsədri arasında məsləhətləşmələr aparılması planlaşdırılır. Söhbət xüsusi işlər üzrə səfirlər səviyyəsində görüşdən gedir”, – M.Zaxarova bildirib.

Qeyd edək ki, ATƏT Xarici İşlər Nazirləri Şurasının növbəti iclası dekabrın 5-6-da Slovakiyanın paytaxtı Bratislava şəhərində keçiriləcək.