Son 24 saat ərzində Moskvada və regionda telefon fırıldaqçılarının göstərişi ilə bankomatların yandırılması və ictimai yerlərdə pirotexniki məmulatların partladılması 10-dan çox hadisə törədilib.
Azpost.info bildirir ki, bu barədə TASS hüquq-mühafizə orqanlarındakı mənbəyə istinadən xəbər verir.
“Son 24 saat ərzində bankomatların yandırılması, ticarət mərkəzlərində və digər ictimai yerlərdə 10-dan çox atəşfəşanlıq və fişənglərin partlaması qeydə alınıb. Qanunu pozan şəxslər bütün hallarda saxlanılıb. Bu insanlar telefon fırıldaqçılarının göstərişi ilə hərəkət ediblər”, – agentliyin həmsöhbəti bildirib.
Onun sözlərinə görə, saxlanılanlar arasında qocalar da çoxdur. “Hazırda bu faktlarla bağlı araşdırmalar aparılır, nəticələrinə görə qanunla müəyyən edilmiş qaydada qərar qəbul ediləcək”, – deyə hüquq-mühafizə orqanlarının nümayəndəsi əlavə edib.
Daha əvvəl prokurorluğun keçmiş müstəntiqi Qureviç TASS-a bildirib ki, “Ukraynadan olan fırıldaqçılar” tərəfindən binalarda yanğın törədilməsi və fişənglərin partladılması bir şəxsin cinayət törətməsi faktı ilə bağlı ciddi maddələrlə təhdid edilir. Dələduzların təsiri onu məsuliyyətdən azad etməyəcək.
