Moskvanın mərkəzində Komsomolskaya meydanında yerləşən gül anbarındakı yanğında 7 nəfər həlak olub.
Bildirilir ki, bazar günü ikimərtəbəli binada başlayan yanğını 9 saatdan sonra söndürmək mümkün olub. Rusiya İstintaq Komitəsinin məlumatına görə, yanğına səbəb məhsulların düzgün saxlanılması və yanğın təhlükəsizliyi qaydalarının pozulması olub.
**
Moskvanın mərkəzində anbar binasında yanğın olub.
TASS-ın xəbərinə görə, Komsomolskaya meydanı yaxınlığındakı binada yanğın 2 min kv.m sahəni əhatə edib.
Yanğının söndürülməsi üçün üç Ka-32 MATS helikopteri və yanğın qatarı cəlb olunub. Yanğın yerində zərərli maddələrin miqdarını ölçən səyyar laboratoriya işləyir.
Rusiya Fövqəladə Hallar Nazirliyindən bildirilib ki, yanğın baş verdiyi binadan 7 nəfər təxliyə olunub.
Moskvanın Komsomolskaya meydanı yaxınlığındakı gül anbarında baş verən yanğında ölənlərin sayı 4-ə çatıb.
Bu barədə Rusiya Fövqəladə Hallar Nazirliyinin mətbuat xidməti məlumat yayıb.
