Almaniyanın Münhen şəhərində sayca 58-ci Beynəlxalq Təhlükəsizlik Konfransı öz işinə başlayıb.
APA TASS-a istinadən xəbər verir ki, konfrans ötən ildən fərqli olaraq canlı formatda keçiriləcək.
3 gün davam edəcək Münhen Təhlükəsizlik Konfransına dünyanın fərqli ölkələrindən 600-dən çox siyasətçi, hüquq müdafiəçisi, elmi və biznes dairələrinin nümayəndəsi qatılacaq.
Təşkilatçılar konfransda 35 dövlət və hökumət başçısının iştirakını gözləyir.
Builki konfransın əsas mövzusu Ukrayna məsələsi olacaq.
Xatırladaq ki, Rusiya 1999-cu ildən bəri ilk dəfə rəsmi səviyyədə tədbirdə təmsil olunmayacaq.
