OPEK ölkələrinin 6 aprelə təyin edilmiş təcili görüşü təxirə salınıb.
Azpost.info bildirir ki, bu barədə Röyterə OPEK-də iki mənbədən məlumat verilib. “Görüş çox guman ki, ya aprelin 8-də, ya da 9-da olacaq”-deyə onlar bildiriblər.
Görüşün nə üçün təxirə salındığı bəlli olmayıb. Amma qeyd olunub ki, iştirakçı dövlətlər daha çox ölkələri məsələhət üçün cəlb etmək istəyirlər.
OPEK-in üzvlərinin görüşü videokonfrans formatında olacaq. Dövlətlər yeni “Əməkdaşlıq haqqında Deklarasiyanı” müzakirə edəcəklər. Görüşün təşəbbüskarı Səudiyyə Ərəbistanıdır.