Ronaldonun 1,7 milyonluq “Bugatti Veyron”u qəzaya uğrayıb

Kriştiano Ronaldonun sahibi olduğu avtomobil qəzaya uğrayıb.

Apasport.az saytının məlumatına görə, portuqaliyalı ulduz ailəvi yay istirahəti üçün iki avtomobilini Mayorkaya göndərib.

Forvardın sahibi olduğu “Bugatti Veyron” Şərq sahillərindəki Sa Koma kurortunda qəza törədib. Bu avtomobilin qiyməti 1,7 milyon funt sterlinqdir.

Sükan arxasında Ronaldo deyil, onun əməkdaşlarından biri olub. Sürücü xəsarət almasa da, avtomobilin ön hissəsi əzilib.

Qeyd edək ki, Kriştiano sevgilisi Corcina və uşaqları ilə iyunun 14-də Mayorkaya yollanıb. Tramuntana dağının ətəyində istirahət üçün ev tutan ailə yaxtada istirahət edir. O, tətil üçün “Bugatti”dən başqa “Mercedes-Benz G-Class” da göndərib.

Əvvəlki məqalə

Valyutanın bu günə olan məzənnəsi

Sonrakı məqalə

MEDİA Venesiya Komissiyasının “Media haqqında” Qanuna dair rəyinə münasibət bildirib