Rusiya və Çin nümayəndələri Qərbin sanksiyalarına davamlı olacaq və ölkələr arasında ödənişlərin bağlı qapılar arxasında həyata keçirilməsinə imkan verəcək birgə bankın yaradılmasını müzakirə edirlər.
Azpost.info xəbər verir ki, bu barədə Moskva Dövlət Universitetinin Asiya və Afrika Ölkələri İnstitutunun direktoru Aleksey Maslov bildirib.
“İndi Rusiyanın bir neçə iri bankı Çinə birgə bank yaratmağı təklif edib. Bu o deməkdir ki, banklar öz aktivlərini toplayır və köçürmələr daxilə gedir. Yəni, eyni təşkilatın filialları Rusiya və Çində fəaliyyət göstərir – bu köçürmələr üçüncü tərəfə görünməyəcək”, – Maslov qeyd edib.
Onun sözlərinə görə, bu layihə hələ çox ilkin mərhələdədir, lakin artıq Çinin biznes ictimaiyyətində canlı müzakirələrə səbəb olub.
“Məhsullarının satılması onlar üçün vacibdir. Xüsusən də Çinin şimal-şərqində yüzlərlə, hətta minlərlə şirkət var ki, onlar Rusiya ilə işləməyə tamamilə köklənib. İndi onlar üçün itkilər inanılmazdır. Onlar isə daha çox öz ölkələrini tənqid edirlər, çünki Rusiya baxımından heç bir problem yoxdur”.
Azpost.info
