Rusiyada təhsil alan azərbaycanlı tələbələr bu ölkəyə qayıda bilərlər –Rusiya Təhsil Nazirliyi qərar qəbul etdi

Rusiyada təhsil alan azərbaycanlı tələbələr bu ölkəyə qayıda bilərlər.

Bu barədə Rusiya Elm və Ali Təhsil Nazirliyi qərar verib.

Nazirlik Rusiya Federal İstehlakçıların Hüquqlarına və İnsan Rifahı Sahələrinə Nəzarət Xidmətinin (“Rospotrebnadzor”) epidemioloji vəziyyətin təhlükəsiz hesab etdiyi ölkələrdən, o cümlədən Azərbaycandan olan tələbələrin təhsillərini davam etdirmək üçün Rusiyaya qayıtmasına icazə verib.

“Rospotrebnadzor”un epidemioloji cəhətdən müsbət hesab etdiyi 25 ölkənin siyahısında Azərbaycanla yanaşı, Türkiyə, Belarus, Qazaxıstan, Qırğızıstan və digər dövlətlər də var.

Əcnəbi tələbələr Rusiyaya gəlməmişdən 10 gün əvvəl ali təhsil ocağını xəbərdar etməli, habelə yola çıxmazdan 3 gün əvvəl COVID-19 testi verməlidirlər. Rusiyaya gəldikdən sonra tələbələr 72 saat ərzində təkrar yoxlanışdan keçməlidirlər.

Rusiyada hazırda 300 minə yaxın əcnəbi tələbə təhsil alır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“O gün olacaq ki, Novruzu Şuşada keçirəcəyik” –

Sonrakı məqalə

“Qiymətlərin artması anormallıqdır” –