Rusiyada yol polisinə yenidən “QAİ” adı qaytarılıb

Rusiyada yol polisi Dövlət Avtomobil Müfəttişliyi “QAİ” adını qaytarıb.

Bu barədə qurumun rəhbəri Mixail Çernikov Rusiya Daxili İşlər Nazirliyi yanında İctimai Şuranın rəyasət heyətinin iclası zamanı bildirib.

“Biz indi Dövlət Avtomobil Müfəttişliyinə çevrilmişik, yol polisini çıxarırıq, bunu qanunvericiliklə tənzimləmişik. Bütün normativ sənədlər yeni ad nəzərə alınmaqla həyata keçirilir”, deyə Çernikov vurğulayıb.

“QAİ” kimi tanınan Dövlət Avtomobil Müfəttişliyi SSRİ Xalq Komissarları Sovetinin qərarı ilə 1936-cı ildə yaradılıb və 1998-ci ilə qədər yol hərəkəti təhlükəsizliyinə nəzarət edib. Bundan sonra onun adı dəyişdirilərək Dövlət Yol Hərəkəti Təhlükəsizliyi Müfəttişliyi (QİBDD) adlandırılıb(apa).

Əvvəlki məqalə

“Moskva və Tehran əməkdaşlığı yüksək səviyyədə davam etdirəcək”

Sonrakı məqalə

Qardaşlığımız “Bir millət, iki dövlət” şüarı ilə əbədi qalacaq