Şəmsəddin Xanbabayeva yeni vəzifə həvalə olundu

- Keçmiş icra başçısı YAP-ın Xaçmaz təşkilatının sədri seçildi
02 Noyabr 2019 - 12:13

Bu gün Yeni Azərbaycan Partiyasının Xaçmaz rayon təşkilatının 9-cu konfransı keçirilib.

APA-nın şimal bürosunun verdiyi məlumata görə, YAP rayon təşkilatının sədri Nazim Ağayev istefa verib.

Yeni sədrin seçilməsi ilə bağlı keçirilən səsvermədə Rayon İcra Hakimiyyətinin keçmiş başçısı Şəmsəddin Xanbabayev YAP-ın Xaçmaz rayon təşkilatının sədri seçilib.

Qeyd edək ki, Prezident İlham Əliyevin oktyabrın 31-də imzaladığı sərəncamla Şəmsəddin Xanbabayev Xaçmaz Rayon İcra Hakimiyyətinin başçısı vəzifəsindən azad olunub və Elnur Şahbaz oğlu Rzayev Xaçmaz RİH-in başçısı təyin edilib.