ABŞ-ın yeni Prezidenti Donald Tramp ilk sərəncamlarından birini TikTok-la bağlı verəcək.
AzPost-un xəbərinə görə, bu barədə Donald Tramp paylaşımında bildirib.
Donald Tramp bəyan edib ki, 20 yanvarda ABŞ-da TikTok-a qadağanın təxirə salınması barədə sərəncam imzalayacaq.
Qeyd edək ki, bu gün ABŞ-da “TikTok” bağlanıb. ABŞ-da 170 milyona yaxın istifadəçi auditoriyası olan xidmət dövlət rəsmilərindən fəaliyyətini davam etdirməyin cərimələrlə nəticələnməyəcəyinə dair heç bir zəmanət almadığı üçün bu ölkədə fəaliyyətini dayandırıb.
Xatırladaq ki, ABŞ-ın yeni prezidenti Çin sədri ilə danışdığını təsdiqləyib.
O, Si Sinpin ilə ticarət balansını, TikTok-u və digər məsələləri müzakirə edib.
Həmçinin ABŞ Federal Məhkəməsinin “TikTok”a qadağa qoyan qərarı ABŞ Ali Məhkəməsi tərəfindən təsdiqlənib. Belə ki, dəyişiklik olmasa, “TikTok” yanvarın 19-dan etibarən ABŞ-də qadağan olunacaq.