Tramp seçkiqabağı sorğularda Baydeni 10 faiz üstələyib

Demokratik partiyanın prezidentliyə namizədi Cozef Bayden seçici dəstəyinə görə respublikaçı Donald Trampı 10 faiz üstələyir.

“Rasmussen Reports” sosiologiya kompaniyasının keçirdiyi rəy sorğusuna əsasən, amerikalıların 46 faizi Birləşmiş Ştatların sabiq prezidenti Donald Trampı, 36 faizi hazırkı prezident Cozef Baydeni, doqquz faizi isə müstəqil namizəd Robert Kennedini dəstəkləyir.

Donald Tramp bir ay öncə keçirilən sorğularla müqayisədə əsas rəqibi üzərində üstünlüyünü dörd faiz artırmağa nail olub. O zaman respondentlərin 44 faizi respublikaçıların namizədinə, 38 faizi demokratların namizədinə etimadını ifadə etmişdi.

Aprelin 29-dan mayın 1-dək keçirilən sosioloji tədqiqatda 1,2 min nəfərin iştirak etdiyi bildirilir.

Xatırladaq ki, ABŞ-da növbəti prezident seçkiləri noyabrın 5-nə təyin olunub. Donald Tramp artıq Respublikaçılar partiyasından prezidentliyə namizəd olmaq üçün lazımi miqdarda nümayəndə səsini toplayıb. İkinci müddətə namizədliyini irəli sürən Cozef Bayden isə Demokratlar partiyasından kifayət qədər dəstək alıb.

Əvvəlki məqalə

Elektrik və qazpaylayıcı şəbəkələrə qoşulma qiymətləri əhalinin büdcəsinə necə təsir edəcək?

Sonrakı məqalə

Sabaha olan hava proqnozu