“Trilyonda bir rast gəlinən bədbəxt hadisədir” –Alek Bolduin ilk dəfə danışdı

Amerikalı aktyor Alek Bolduin ilk dəfə oktyabrın 22-də “Pas” (Rust) filminin çəkilişi zamanı onun tərəfindən asılan atəş nəticəsində kinooperator Qalina Xatçinsin faciəli şəkildə həlak olması barədə danışıb.
APA-nın CNN telekanalına istinadən verdiyi məlumata görə, A. Bolduin Vermont ştatında onu izləyən paparasiyə bildirib ki, bu, trilyonda bir rast gəlinən bir bədbəxt hadisədir.
Aktyor deyib ki, son 75 ildə çoxlu sayda filmlər və teleşoular çəkilib: “Bu filmlərdə və teleşoularda nə qədər güllə atılıb? Praktiki olaraq hər hansı hadisə baş verməyib. Qalina Xatçins mənim dostum idi. Həmin gün filmin çəkilişindən əvvəl Qalina Xatçinsi rejissorumuz Coel Souzla birgə yeməyə dəvət etmişdim. Bizim çox yaxşı komandamız var idi, birgə film çəkirdik, bu dəhşətli hadisə baş verdi ”.
Yenə də silahlardan istifadəyə nəzarətin sərtləşdirilməsinin tərəfdarı olduğunu vurğulayan A. Bolduin “Pas” (Rust) filminin çəkilişinin davam etdirilməyəcəyini düşündüyünü də söyləyib.
Aktyor ona istintaqın gedişi barədə danışmağın qadağan edildiyini söyləyib. İstintaq hələ ittiham irəli sürməyib. Hazırda tapançaya döyüş gülləsinin necə qoyulduğu araşdırılır.
Qeyd edək ki, oktyabrın 22-də “Pas” (Rust) filminin çəkilişi zamanı A. Bolduin ona verilən və gerçək güllə qoyulmadığı bildirilən tapançadan atəş açıb. Nəticədə filmin kinooperatoru Qalina Xatçins ölüb, rejissor C. Souz yaralanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Türkiyə və Rusiyanın xarici işlər nazirləri görüşüb

Sonrakı məqalə

Gürcüstanda seçkilərin ikinci turunun ilkin nəticələri məlum olub