Türkiyə Rusiyadan əlavə S-400 raket sistemlərini almağı planlaşdırır

08 Dekabr 2019 - 17:35

İnterfaks xəbər agentliyi Rusiyanın hərbi əməkdaşlıq agentliyindəki yüksək vəzifəli bir şəxsə istinadən bildirib ki, Rusiya və Türkiyə Rusiyanın S-400 raket sistemlərinin yeni bir partiyasının Ankara tərəfindən alınması ilə bağlı müqavilə üzərində işləyir.

Belə bir razılaşma ABŞ-ın F-35 döyüş tipli təyyarə proqramından kənar qalan rəsmi Ankaranın Vaşinqtonla münasibətlərini daha da gərginləşdirə bilər. Bu il Türkiyənin S-400 raket kompleksini almasına görə Amerika Türkiyəni cərimələyib.

“Biz tədricən bu sual üzərində işləyirik. Ən əsası hər iki tərəf bu sahədə əməkdaşlığı davam etdirmək niyyətindədir” – deyə, Rusiyanın Federal Hərbi-Texniki Əməkdaşlıq Xidmətinin rəhbəri bildirib.

Dmitri Şuqayev Türkiyə ilə Rusiya arasında gələn il S-400-lərin əlavə dəstəsinin çatdırılması üçün müqavilə imzalayacağını düşündüyünü söyləyib.

Rusiyanın dövlət silah ixracatçısının rəhbəri noyabrın 26-da RİA xəbər agentliyinə bildirib ki, Moskva və Ankara daha çox S-400 sistemlərinin alınması üçün Ankaranın ilkin raket müqaviləsində seçim məsələsini fəal müzakirə edir.