Üç ay ərzində Azərbaycana 3 milyard 528 milyon dollarlıq mal idxal edilib

18 May 2021 - 08:59

2021-ci il yanvar-aprel aylarında Azərbaycanın xarici ticarət dövriyyəsi təxminən 9,893 milyard dollar təşkil edib ki, bu da ötən ilin eyni dövrü ilə müqayisədə 2,1 faiz çoxdur.

Bu barədə Dövlət Gömrük Komitəsinin hesabatında açıqlanıb.

Hesabat dövründə Azərbaycanın ixracı 6,364 milyard dollara bərabər olub və bu 2020-ci ilin yanvar-aprel ayları ilə müqayisədə 0,9 faiz çoxdur. İxracın ümumi xarici ticarət dövriyyəsində payı 64,33 faiz təşkil edib.

Bu ilin ilk üç ayı ərzində Azərbaycana idxal 3,528 milyard dollar təşkil edib ki, bu da ötən ilin eyni dövrü ilə müqayisədə 4,1 faiz azalıb. İdxalın ümumi xarici ticarət dövriyyəsində payı 35,67 faiz təşkil edib.