Ukrayna Rusiya ilə danışıqlar üçün şərtlərini açıqlayıb.
Azpost.info-nun məlumatına görə, prezident Vladimir Zelenskinin müşaviri Mixail Podolyak “Strana” nəşrinə bildirib ki, bu şərtlər beynəlxalq hüquqa əsaslanmalıdır.
“Danışıqlar, əlbəttə ki, lazımdır. Lakin Ukrayna açıq şəkildə deyir: gəlin, bir konsepsiya olaraq beynəlxalq hüquqa əsaslanan şərtlərlə danışıqlar aparaq“, – Ukrayna hakimiyyətinin nümayəndəsi bildirib.
Bir gün əvvəl Zelenski Kiyevin müvafiq ölkələrlə ərazi bütövlüyü məsələlərinin ətraflı müzakirəsinə başlayacağını bildirib. O deyib ki, noyabrın sonuna kimi isə belə müzakirələr sayəsində sülhün bərqərar olması üçün fəaliyyət planı hazırlanacaq.
