Xankəndi-Laçın yolunda aksiya davam edir, aksiya iştirakçıları gecə fləşmob keçirib-FOTO

Rusiya sülhməramlılarının müvəqqəti nəzarətində olan ərazilərdə faydalı qazıntı yataqları, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçiləri Xankəndi-Laçın yolunda aksiyanı davam etdirir.

Gecə boyu ekoloji terrora son qoyulması, yataqlarda monitorinq keçirilməsi tələbləri ilə şüarlar səsləndirilib.

Bundan başqa, aksiya iştirakçıları fləşmob təşkil edərək, yanan şamlarla “Stop eko terror” şüarı yazıblar.

Şüarlarda Rusiya sülhməramlılarının komandanı Andrey Volkovla görüş tələbi də irəli sürülüb.

Qeyd edək ki, dekabrın 12-də başlayan aksiyaya ictimai dəstək getdikcə artır.

Etirazçılar tələbləri yerinə yetirilməyənə qədər aksiyanı davam etdirəcəklərini bildirirlər.

Əvvəlki məqalə

ABŞ kəşfiyyatı Rusiya və İran arasında müdafiə sahəsində əməkdaşlıqdan narahatdır

Sonrakı məqalə

Azərbaycan neftinin qiyməti aşağı düşüb