Yevlax rayon ərazisində, Bakı-Supsa ixrac boru kəmərinin mühafizə zonasında 2 kiloqrama yaxın narkotik tapılıb.
Bu barədə Strateji Obyektlərin Mühafizəsi Dövlət Agentliyindən Azpost.info-ya məlumat verilib.
Məlumatda deyilir ki, sentyabrın 7-də saat 21.25-də ixrac boru kəmərlərinin mühafizəsi məqsədilə piyada müayinə aparılıb. Bu zaman boru kəmərinin 240,4-cü km-də, mühafizə zonasında sellofan torbaya bükülmüş narkotik vasitə (1,7kq marixuana və 1 büküm metafetamin maddəsi) aşkar edilib.
Yevlax regional idarəsinin əməkdaşları tərəfindən aşkar olunan narkotik rayon polis şöbəsinə təhvil verilib.
Azpost.info
