Zelenski Rusiyanı BMT-də veto hüququndan məhrum etməyə çağırıb

Ukrayna prezidenti Vladimir Zelenski BMT Baş Assambleyasının iclası zamanı Rusiyanın Təhlükəsizlik Şurasında veto hüququndan məhrum edilməsini təklif edib.

Bu barədə Britaniyanın “The Guardian“ nəşri məlumat yayıb.

“Əgər söhbət BMT Təhlükəsizlik Şurasının üzvündən gedirsə, Rusiya Federasiyasını veto hüququndan məhrum edin”, – Ukrayna lideri çağırış edib.

Siyasətçinin sözlərinə görə, bu yolla “təcavüzkar ölkə cəzalandırılacaq”.

Zelenski həmçinin Birləşmiş Millətlər Təşkilatını Ukraynanın suveren sərhədlərinin qorunmasında səmərəsiz olmaqda ittiham edib.

“Ukrayna əsgərləri BMT Təhlükəsizlik Şurasının öz səsləri ilə etməli olduğu işi indi öz qanları ilə edirlər”, – deyə o, çıxışını yekunlaşdırıb.

Əvvəlki məqalə

“Ermənistanla hərbi təlimlər keçirmək niyyətində deyilik” –

Sonrakı məqalə

ABŞ vətəndaşları İsrail-HƏMAS müharibəsi ilə bağlı Baydenin siyasətini bəyənmir