ABŞ-ın keçmiş prezidenti Donald Tramp çərşənbə axşamı Nyu-York məhkəməsində ona qarşı irəli sürülən ittihamları seçkiyə müdaxilə adlandırıb.
TASS-ın xəbərinə görə, Florida ştatının Palm-Biçdəki iqamətgahında çıxış edən respublikaçının sözlərinə görə, onun ölkəsində görünməmiş miqyasda seçkilərə müdaxilə baş verir. “Bu, Corc Sorosun dəstəklədiyi prokuror Alvin Bragg ilə başlayır. O, prezident Trampı əldə etmək üçün kampaniya qurub”, – deyə Tramp bildirib.
Tramp deyib ki, ABŞ uğursuz dövlətə çevrilir: “Biz tənəzzüldə olan bir ölkəyik. İndi də bu radikal solçu dəlilər hüquq-mühafizə orqanlarından istifadə edərək seçkilərimizə müdaxilə etmək istəyirlər. Biz buna imkan verə bilmərik. Sevimli ölkəmizin üzərində qara buludlara baxmayaraq mən şübhə etmirəm ki, biz Amerikanı yenidən böyük edəcəyik”.
Qeyd edək ki, çərşənbə axşamı Nyu-York məhkəməsi Trampı 2016-c ilin seçki kampaniyası zamanı maliyyə fırıldaqlarında ittiham edib.
