Rusiya Silahlı Qüvvələrinin rabitə planlaması idarəsinin keçmiş rəisi, general-mayor Aleksandr Oqloblin həbs edilib.
General rüşvət almaqda ittiham olunur.
İstintaqın versiyasına görə, Oqloblin 2016-2021-ci illərdə “Telta” Perm telefon zavodunun nümayəndələrindən Müdafiə Nazirliyinə rabitə cihazlarının tədarükü üçün dövlət müdafiə sifarişinin icrasına himayədarlığa görə 10 milyon rubldan çox rüşvət alıb.
Oqloblinə qarşı xüsusilə külli miqdarda rüşvət alma maddəsi ilə iş açılıb.
Telta şirkəti “Prestige-AON” telefonlarını – avtomatik zəng edənin identifikatoru olan qapalı rabitə şəbəkələri üçün xüsusi qurğuları hazırlayır. Əvvəllər şirkət nümayəndələri Rusiya Silahlı Qüvvələrinin Baş Qərargah rəisinin keçmiş müavini Vadim Şamarinə 36 milyon rüşvət verməkdə təqsirli biliniblər.
Telta-in baş direktoru Aleksey Vısokov və şirkətin baş mühasibi Yelena Qrişina da həbs edilib.
Azpost.info
