Hadisə

Miqrant daşıyan qayıq Aralıq dənizində batıb- 2 uşaq ölüb

27 Yanvar 2025 - 00:10

Miqrant

Aralıq dənizində gəmi qəzası nəticəsində 17 miqrant xilas edilib, iki uşaq isə ölüb. AzPostReuters-ə istinadla xəbər verir ki, bu barədə Almaniyanın Sea Punks təşkilatı məlumat yayıb. Təşkilatın verdiyi açıqlamaya görə, xilasetmə Malta Axtarış və Xilasetmə (SAR) bölgəsində həyata keçirilib. Malta xilasedici helikopteri hamilə qadını və ağır yaralı kişini təxliyə edib. İtaliyanın sahil mühafizə gəmisi isə sağ qalan 15 nəfəri və iki uşağın cəsədini sudan çıxarıb.

Sağ qalanlar xilasedicilərə bildiriblər ki, qayıqda 21 miqrant olub.

Qeyd edək ki, İtaliyanın ANSA xəbər agentliyi 15 miqrantın xilas edildiyini, 3 nəfərin ölü tapıldığını, daha 3 nəfərin isə hələ də itkin düşdüyünü bildirmişdi.

Xatırladaq ki, ötən həftə Aralıq dənizində miqrantları daşıyan gəminin batması nəticəsində 500 miqrantın öldüyü bildirimişdi.

Paylaş