Ermənistan Hindistanın “Pralay” taktiki ballistik raketləri ilə maraqlanır.
Azpost.info bildirir ki, bu barədə Hindistanın IDRW nəşri məlumat verir.
Xəbərdə qeyd olunur ki, Azərbaycan İsrailin Barak-8 yer-hava raket sistemlərindən istifadə edir. Bu hava hücumundan müdafiə sistemini aradan qaldırmaq üçün İrəvan Hindistanın Pralay yer-hava raketlərini almağı düşünür.
Bu qısa mənzilli raket trayektoriyasının son mərhələsində manevr etmək və istiqamətini dəyişdirmək qabiliyyəti ilə xarakterizə olunur. Bu da Pralay-ı hətta Barak-8 və ya S-300 kimi müasir sistemlər üçün belə tutmaq üçün olduqca çətin bir hədəfə çevirir.
Əgər müqavilə bağlanarsa, Ermənistan Pralay sisteminin ilk xarici alıcısı olacaq.
