Endokrinoloq Zuxra Pavlova qidalanmanın insanın əhval-ruhiyyəsinə təsir göstərə biləcəyini bildirib. O, Telegram kanalında qida rasionu ilə emosional vəziyyət arasındakı əlaqəni izah edib.
Həkimin sözlərinə görə, aparılan bir eksperimentdə depressiya və metabolik pozuntuları olan insanlardan yarımfabrikatların istehlakını 85 faiz azaltmaq istənilib. İştirakçılar dərmanların dozasını, fiziki aktivlik səviyyəsini və yuxu rejimini dəyişməyiblər.
Eksperimentin nəticələrinə əsasən, iştirakçılarda depressiya və narahatlıq səviyyəsinin orta göstəriciləri əhəmiyyətli dərəcədə azalıb. Pavlova qeyd edib ki, bu təsir qidanın bağırsağa və sinir sisteminə təsiri ilə əlaqəli ola bilər.
“Daha az narahat olmaq və özünüzü daha yaxşı hiss etmək istəyirsiniz? Ola bilsin ki, qida rasionunuzu yenidən nəzərdən keçirməyin vaxtıdır”, – deyə Pavlova vurğulayıb.
Sunay Aydın
