Tıxaclar zamanı şəhər yollarında hərəkət etmək üçün bir yol ola bilər – havaya qalxmaq. Jenya Dulot 2028-ci il Yay Olimpiya Oyunları üçün hava taksilərinin uçması planları haqqında Los-Ancelesdən məlumat verir.
Bu, səhrada keçirilən sınaq Cənubi Kaliforniyadakı “Overair” şirkətinin elektrikli uçan taksilərdə istifadə etməyi planlaşdırdığı təkan sisteminin tam miqyaslı versiyası üçündür.
Şirkətin mühəndisləri sərnişinləri izdihamlı yollardan yuxarı qaldırmaq üçün 6 metrlik rotorlar və elektrik mühərrikləri və akkumulyatorlarında ən son təkmilləşdirmələrə malik olan eVTOL – elektrik şaquli qalxma və enmə maşını üzərində işləyirlər.
Mobil əməliyyatları rəhbəri Con Krayzis bildirib: “222 kilometr və ya 212-222 kilometrdən bir qədər çox sürəti olan bu təyyarə, Los Ancelesin böyük hissəsində xidmət edə bilər. Təyyarəmizdə baqaj və beş sərnişin üçün yer var. Düşünürük ki, bu, uzaq məsafəyə getmək çalışan ailələr üçün əla olacaq. Bu, həqiqətən insanların şəhər ərazisində necə hərəkət etmələri ilə bağlı qərarlarını dəyişəcək.”
Şəhər rəsmiləri deyirlər ki, havada hərəkət, uçan taksilər üçün infrastruktur və Federal Aviasiya Administrasiyası tərəfindən nəzarət kimi bir çox suallar doğurur. Los-Anceles Nəqliyyat Nazirliyindən Konni Lianos deyib: “Aydındır ki, Federal Aviasiya Administrasiyası çox böyük rolu olacaq və o, 2025-ci ilə qədər bu prosesin bir növ icazənin verilməsini nəzərdən keçirir Və sonra yerli səviyyədə onların qalxıb enə biləcəyi yerləri müəyyən etməliyik. Düşünürəm ki, şəhərlərin gətirdiyi əlavə dəyər onun insanlara necə təsir edəcəyi ilə bağlı çox hiperlokal perspektivdir.”
Los Anceleslilərdən bəziləri uçan taksilərə şübhə ilə yanaşır. Los-Anceles sakini Gidalya Şorşun fikrincə, eniş yerlərinin düşündükdə bu, xaos kimi görünür: “İndi insanların hansı zonalarda enə biləcəyinə icazə verilməlidir. Siz sadəcə istədiyiniz yerə enə bilməzsiniz. Hər zaman düşmə ehtimalı da var”.
Almaniyanın “Volocopter” şirkəti 2011-ci ildə insanı yalnız elektrik enerjisindən istifadə edərək havaya qaldıran ilk şirkət olub. Bu gün VoloCity şirkəti 18 rotorlu iki nəfərlik elektrik təyyarəsini təqdim edir. “Volocopter” Kommersiya şıbəsindən Kristian Boer qeyd edib: “Biz Sinqapurda şəhərin mərkəzində uçduqda ümid edirdim ki, bir çox insan, çox sayda turist “Volocopter”i alqışlayacaq və ona baxacaq. Lakin etmədilər. Niyə? Çünki bu barədə eşitməmişdilər. Beləliklə, bu, marketinq üçün pis, lakin rəsmilər üçün yaxşı oldu – onların bundan xoşu gəldi. O, çox səssizdir və sən onu görməyəcəksən, hətta göydə kiçik bir nöqtə kimi olacaq.”
2024-cü il Paris Olimpiadasına qədər qısa kommersiya uçuşlarını planlaşdıran “Volocopter” noyabr ayında Paris üzərində “VoloCity”sini uçurub. Los-Anceles rəsmiləri 2028-ci ildə burada keçiriləcək Olimpiadaya qədər hava taksilərinin istismara verilməsinə çalışır.
