ABŞ Sahil Mühafizəsi itkin düşən Titan batiskafının ekipajının öldüyünü təsdiqləyib.
ABŞ Sahil Mühafizəsi bildirib ki, indiyə qədər tapılan qalıqlar sualtı qayığın hissələridir. Ekipaj üzvləri ölmüş kimi elan edilib.
Qurum bu barədə Tvitterdə məlumat verib.
Ekipaj 5 nəfərdən ibarət olub.
“Titanik”in qəzaya uğradığı yerə gedən və bir neçə gün əvvəl əlaqəni dayandıran sualtı qayığın ekipajının və sərnişinlərinin öldüyü ehtimal edilir” -deyə gəminin operatoru “OceanGate” açıqlama verib.
Bu barədə CNN məlumat yayıb.
Batiskafda olan turistlər “Titanik” gəmisinin qalıqlarına baxmaq üçün okeanın dərinliyinə enərkən onlarla əlaqə kəsilib. Son 3 gündə sualtı qayığın axtarışı aparılırdı.
