Azərbaycana gətirilən “Pfizer” vaksininin sayı açıqlanıb
07 İyun 2021 - 12:48

Azərbaycana gətirilən “Pfizer” (“Pfizer-BioNTech”) vaksininin sayı açıqlanıb.

Səhiyyə Nazirliyindən APA-nın sorğusuna cavab olaraq bildirilib ki, Azərbaycana 218 min doza “Pfizer” peyvəndi gətirilib.

Məlumata əsasən, bugündən başlayaraq vətəndaşlar onlayn şəkildə qeydiyyatdan keçərək Bakı Sağlamlıq Mərkəzi və Mərkəzi Klinik Xəstəxanasında “Pfizer” vaksini vurdura bilərlər.

Qeyd edək ki, Azərbaycanda koronavirus əleyhinə “Coronovac”, “Vaxzevria”, “Spunik V” və “Pfizer” vaksinləri tətbiq olunur.