Azərbaycan boksçusu Malik Həsənov Polşada keçirilən III Avropa Oyunlarında 1/8 finala yüksəlib.
AZƏRTAC xəbər verir ki, idmançı 63,5 kq çəki dərəcəsindəki ilk görüşündə qələbə qazanıb.
O, 1/16 final mərhələsində polşalı Roskoviç Bartlomeyi 5:0 (30:27, 29:27, 30:26, 30:26, 29:28) hesabı ilə məğlub edib.
Qeyd edək ki, bu gün Azərbaycanın digər boksçusu Ümid Rüstəmov (57 kq) ilkin mərhələdə məğlub olaraq mübarizəni dayandırıb.
