ABŞ Prezidenti Co Bayden prezidentliyə namizədlər Kamala Harris və Donald Trampın ilk debatını Nyu-Yorkdan izləyəcək.
Bu barədə Ağ evin mətbuat katibi Karin Jan-Pyer açıqlama verib. Onun sözlərinə görə, Bayden 11 sentyabr hadisələrinin ildonümü ilə bağlı Nyu-Yorkda səfərdə olacaq.
Qeyd edək ki, sentyabrın 10-da yerli vaxtla saat 21:00-da (Bakı vaxtı ilə 11 sentyabr saat 05.00) “ABC News” kanalında Kamala Harris və Donald Trampın ilk debatı təşkil olunacaq. Debat Filadelfiya Milli Konstitusiya Mərkəzində keçiriləcək. Paralel olaraq “ABC News Live”, “Disney+” and “Hulu”da canlı yayımlanacaq.
Debatın moderatorları Devid Myuir və Linsi Devis olacaq. Hər bir çıxışçı danışarkən digərinin mikrofonu bağlı olacaq. Debat 2 dəfə reklam fasiləsi olmaqla 90 dəqiqə çəkəcək. Müzakirə keçirilən otaqda yalnız moderatorlar olacaq, tamaşaçılar buraxılmayacaq.
