Azərbaycan Milli İstiqal Partiyasının lideri Etibar Məmmədov Rusiya-Ukrayna arasındakı savaşa münasibət bildirib.
O, Azpost.info-ya açıqlamasında Rusiyanın Ukraynada keçirdiyi “xüsusi hərbi əməliyyat”ı işğal adlandırıb. “Açıq-aşkar görünür ki, bu, işğaldır, bir dövlətin başqa dövlətə təcavüzüdür. Rusiyanın davranışı beynəlxalq qaydalara ziddir. Putin keçən əsrin 30-cu illərində Hitlerin etdiklərini təkrar edir və bütün dünya üçün də təhlükəyə çevrilib”, – deyə Etibar Məmmədov bildirib.
AMİP lideri hesab edir ki, proses Putinin məğlubiyyəti ilə bitəcək: “Putin heç vaxt qalib gələ bilməz və Rusiyanın sonunu gətirəcək”, – deyə o əlavə edib.
Azpost.info